|
אל נעלה רפא
ר' משה אשקר הכהן
חלב-ארגנטינה מאה 19
אֵל נַעֲלָה רְפָא נַפְשִׁי רְפָא וּבָךְ תִּתְעַדַּן צוּר קָדְשִׁי
כִּי חוֹלַת אַהֲבָה וְנִכְסְפָה אָנָּא עָלַי רְפָא
מַבְטִיחִי עַל שְׁדֵי אִמִּי נַפְשִׁי וְרוּחִי יְהוֹדוּן לָךְ
תָּמִיד לִשְׁמָךְ לֹא אֶתֵּן דֳּמִי כָּל עוֹד נִשְׁמָתִי בִי תֹאמַר לָךְ
אָנָּא עָלַי רְפָא
שָׁאַלְתָּ מִנִּי יָהּ נוּר עֵינִי חֻקִּי וְדִינִי אֶשְׁמְרָה לָךְ
בֵּינָךְ יָהּ רוֹעִי אוֹת וּבֵינִי נִשְׁבַּעְתִּי וַאֲקַיְּמָה לָךְ
אָנָּא עָלַי רְפָא
הֵן אָבִי הַיָּקָר אָמַר לִי אוֹת וְטוֹטָפוֹת חֲבֹשׁ עֲלָךְ
לְכָה בְּנִי שְׁמַע בְּקוֹלִי לְמַעַן תִּחְיֶה וְיִיטַב לָךְ
אָנָּא עָלַי רְפָא
מַה טּוֹב חֶבְלִי וְגוֹרָלִי בְּהִתְפַּלְּלִי עִם קְהָלָךְ
לְהִתְעַטֵּף בִּכְנַף מְעִילִי מִצְוַת גְּדִילִים תַּעֲשֶׂה לָּךְ
אָנָּא עָלַי רְפָא
שְׁלֹשׁ עֶשְׂרֵה שָׁנָה מָלְאוּ לִי וְיוֹם אֶחָד זֶה בוֹ אָחֹג לָךְ
בְּקָשְׁרִי לְאוֹת עַל שְׂמֹאלִי וּבְשׂוּמִי עַל רֹאשִׁי כְּלִילָךְ
אָנָּא עָלַי רְפָא
הָאֵל אֱמֹר לִי אַתָּה בְנִי בִּזְכוּת אַב הָמוֹן שֶׁקָּרָא לָךְ
אֲדֹנָי אַל נָא תַעַזְבֵנִי אַל תַּעֲבֹר מֵעַם נֶאֱצָלָךְ
אָנָּא עָלַי רְפָא
בָּרוּךְ אַתָּה שֶׁחִיִּיתָנִי וְקִיַּמְתַּנִי לַעֲבֹד לָךְ
וְלַזְּמַן הַזֶּה הִגַּעְתָּנִי לֹא אֶחֱשֶׁה וְאֶנְשֶׁה גְמוּלָךְ
אָנָּא עָלַי רְפָא
אַמֵּץ עֲדָתָךְ לִמְנוּחָתִי תּוֹסִיף תֵּת דּוֹדָהּ בְּשִׂמְחָה לָךְ
שָׁם אָבִיא אֵלֶיךָ מִנְחָתִי וְלֶחֶם מִשְׁנֶה אֶעֱרֹךְ לָךְ
אָנָּא עָלַי רְפָא
חָזָק בָּרֵךְ קָהָל וְשָׂרָיו הַמְשֵׁה עֶדְרוֹ יָשָׁר לִגְבוּלָךְ
וְעָלוּ מוֹשִׁיעִים בְּהָרָיו וְהָיְתָה הַמְּלוּכָה לָךְ
אָנָּא עָלַי רְפָא
|
